Мулоқоти вазирони соҳавии Тоҷикистону Афғонистон
Душанбе, 26 декабр. (АМИТ«Ховар», Лайло Қосимова). -Дирўз вазири меҳнат, муҳоҷират ва шуғли аҳолии Ҷумҳурии Тоҷикистон Сумангул Тағоева вазири кор, умури иҷтимоӣ, шаҳидон ва маълулини Ҷумҳурии Исломии Афғонистон Омина Афзалиро ба ҳузур пазируфт. Дар вохўрӣ ҳамчунин кормандони Сафорати Ҷумҳурии Исломии Афғонистон дар Ҷумҳурии Тоҷикистон иштирок доштанд. Зимни вохўрӣ ҷонибҳо аз таҷрибаи кории вазоратҳо мубодилаи афкор намуда, роҷеъ ба ҳамкориҳои дуҷониба ибрози назар карда, ҷиҳати густариши робитаҳои минбаъдаи тарафайн изҳори қаноатмандӣ намуданд. Хонум Омина Афзалӣ бештар ба масъалаи табодули таҷриба барои рушди муносибатҳои меҳнатӣ, таҳияи қонунгузории соҳавӣ, пешгирии меҳнати кўдакон, назорати шароити меҳнат ва шарикии иҷтимоӣ байни корфармоёни хусусӣ ва шаҳрвандон, касбомўзии шаҳрвандони бекори Ҷумҳурии Исломии Афғонистон дар марказҳои таълими калонсолони Тоҷикистон ва ба танзим даровардани раванди муҳоҷирати шаҳрвандони Афғонистон ба Тоҷикистон таваҷҷуҳ зоҳир намуд.Тавре ки аз хадамоти матбуоти вазорат хабар доданд, дар анҷоми вохўрӣ тарафҳо умедвории худро ба рушду густариши ҳамкориҳои минбаъда изҳор намуда, қарор шуд, ки барои омода ва ба имзо расонидани Ёддошти тафоҳум гуруҳи корӣ аз ҳисоби мутахассисони ҳарду вазорат ва сафорат таъсис дода шавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






