Муроҷиат ба Ваколатдор оид ба ҳуқуқи инсон дар Кӯлоб

 
Кӯлоб, 19 декабр. (АМИТ «Ховар», Ф.Мадаминов).-  Ваколатдор оид ба ҳуқуқи инсон дар шаҳри Кӯлоб дар соли 2009  таъсис дода шудааст. Соли ҷорӣ ба ваколатдор зиёда аз 130 нафар шаҳрванд бо масъалаҳои вазъи иҷтимоӣ, зӯроварӣ дар оила, мақомоти ҳифзи ҳуқуқ ва суд, инчунин маъюбону ятимон муроҷиат намуданд Ҳамаи арзҳои шаҳрвандон ҳалли худро ёфтанд. 
Зикр кардан лозим аст, ки дар назди ваколатдор Шӯрои ҳамоҳангсоз таъсис дода шудааст. Аъзои шӯро аз ҳисоби намояндагони ҳифзи ҳуқуқ, суд, ташкилотҳои ҷамъиятӣ, ҳукумат ва рӯзноманигорон  мебошанд. Мақсади ваколатдор  хизмати хуб расонидан ба мардум ҷиҳати фаҳмонидани ҳуқуқҳояшон ва дастгирии  онҳост.