Мусобиқаи баскетбол миёни варзишгарони ноқисулақл

Душанбе, 4 декабр. (АМИТ «Ховар», Фарзона Ашӯрмадова).- Аз 3-юм то 8-уми декабри соли равон мусобиқаи ҷумҳуриявии баскетбол ва тенниси рӯи миз байни варзишгарони ноқисулақл дар шаҳри Душанбе ва вилояти Суғду Хатлон доир мегардад.Тавре ки дар ин бора аз Кумитаи ҷавонон, варзиш ва сайёҳӣ хабар доданд, мусобиқаи мазкур дар ду давр миёни варзишгарони ноқисулақл доир мегардад. Ба иттилои манбаъ, даври аввали мусобиқа дар вилоятҳо доир гашта, баъдан варзишгарон барои ба даст овардани ҷоизаи мусобиқа дар сатҳи ҷумҳуриявӣ миёни ҳам талош хоҳанд кард.