Намоиши либосҳои зебою муосир

Декабрь 3, 2013 17:13

Душанбе, 3 декабр. (АМИТ «Ховар», Раъно Нусратуллоева).-Имрӯз дар толори фарҳангии Донишгоҳи давлатии омӯзгории Тоҷикистон ба номи С.Айнӣ бо ташаббуси ректори Донишгоҳи технологии Тоҷикистон маҳфили «Дизайни либосҳои муосир» баргузор гардид, ки дар он либосҳои тарҳрезикардаи донишҷӯёни ин таълимгоҳ ба маърази намоиш гузошта шуд. Тавре ки котиби матбуоти ДДОТ Бахтиёри Абдураҳим иттилоъ дод, дар расми ифтитоҳи он ректорони ҳарду донишгоҳ-академик Абдуҷаббор Раҳмонов ва профессор Нуралӣ Шоев сухан намуда, аз ҷумла, изҳор доштанд, ки миллати тоҷик фарҳангу тамаддуни таърихӣ ва ғанӣ дорад. Дар ҳар давр вобаста ба тақозои замон мардуми мо либоси зебою шинам ва хос ба расму оини хешро ба тан кардаанд. Чун кишвари азизи мо дар айёми ҷаҳонишавӣ қарор дорад, зарур аст, ки сару либос ва пойафзоли ба замона мувофиқ ихтироъ гардад. Боиси хушнудист, ки дар Донишгоҳи технологӣ факултаи махсуси дизайн ва тарроҳии либос фаъолият мекунад ва аз ҷониби муҳассилини ин даргоҳ навъҳои гуногуни зиёди либосҳо тарҳрезӣ шудаанд.Сипас, маҳфили фарҳангӣ оғоз гардид, ки ба ҷуз аз намоиши либосҳои муосир, ҳамзамон, рақсҳои дилбарона ва сурудҳои ошиқонаю ватанпарварона пешкаши ҳозирин карда шуд. Дар рафти чорабинӣ бештар аз 35 намуди либоси муосир ба маърази тамошо гузошта шуд, ки аз матоъҳои мухталиф, аз қабили атласу адрас ва ғайра дӯхта буданд.Аҳли донишгоҳ, устодону донишҷӯён, аз дидани ин барномаи фарҳангӣ нерӯи тоза гирифта, бо кафкӯбиҳои бардавом сипос ва миннатдории хешро баён доштанд.Дар фарҷоми чорабинӣ роҳбарияти ҳарду мактаби олӣ зикр карданд, ки ин гуна ҳамкориҳо ҳатман идома ва вусъат хоҳанд ёфт.

Декабрь 3, 2013 17:13

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд