Нашри Фарҳанг аз сӯи Парлумон

Декабрь 19, 2013 11:02

   Душанбе, 19 декабр.(АМИТ «Ховар», Марзия Саидова).-«Фарҳанги   истилоҳоти иқтисод,  молия ва буҷет дар қонунгузории Ҷумҳурии Тоҷикистон» дар нашриёти «R-Grahp» -и Душанбе аз чоп баромад.  
                Фарҳанги мазкур аз тарафи  гуруҳи кории  Парлумони Тоҷикистон таҳти роҳбарии  Сафаралӣ Раҷабов-раиси Кумитаи Маҷлиси намояндагон  оид ба иқтисод ва молия  таҳия шудааст. Ҳадаф аз таҳияи ин фарҳанг такмили маърифати ҳуқуқиву иқтисодии субъектҳои  муносибатҳои иқтисодӣ ва афзудани  самаранокии  татбиқи қонунҳоест, ки аз ҷониби Парлумони кишвар қабул гардидаанд. Фарҳанги мазкур бобати танзими тамоми истилоҳоти иқтисодию молиявӣ, аз ҷумла истилоҳоти  буҷетии дар қонунгузорӣ ва дигар  санадҳои меъёрии ҳуқуқии Ҷумҳурии Тоҷикистон истифодашаванда,  бо мақсади ба вуҷуд овардани замина  ҷиҳати баланд бардоштани сатҳи дониши иқтисодӣ ва ҷалби бештари шаҳрвандон ва ҷомеа ба иттилооти иқтисодию молиявӣ таҳия ва мунташир гардидааст. Дар «Фарҳанги истилоҳоти  иқтисод,  молия ва буҷет дар қонунгузории  Ҷумҳурии Тоҷикистон» қариб  700 мафҳуми иқтисодие, ки дар қонунгузории кишвар истифода мешавад, гирд оварда шудааст. 
   Доктори илмҳои иқтисодӣ, профессор,  вакили Маҷлиси намояндагон Лутфулло Саидмуродов дар сарсухани фарҳанги тозанашр гуфтааст:  «Фарҳанги мазкур барои бартараф намудани шарҳу дарки мазмун ва муҳтавои мухталифи муносибатҳои иқтисодӣ дар низоми миллии иқтисодии  замони гузариш нақши муассир мебозад». Фарҳанги мазкур бо дастгирии Бонки  Ҷаҳонӣ дар доираи татбиқи  Лоиҳаи «Таҳкими иқтидори Парлумон  дар бахши молияи давлатӣ» бо теъдоди 500 нусха мунташир гардидааст.
Ҳамзамон фарҳанги мазкур дар шакли электронӣ низ омода шудааст. 

Декабрь 19, 2013 11:02

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд