Паҳн намудани говҳои зоти тоҷикӣ дар минтақаҳои марказӣ ва ҷанубии кишвар
Душанбе, 26 декабр. (АМИТ «Ховар», Ситора Раҷабова).-Бо мақсади дар оянда васеъ намудани говҳои зоти сиёҳалои навъи тоҷикӣ дар минтақаҳои марказӣ ва ҷанубии ҷумҳурӣ дар хаҷагиҳои ба номи Л. Муродов ва К. Маркси ноҳияи Ҳисор дар асоси таҳқиқоти селексионӣ 9 сар буққа ва 25 сар буққачаи ҷинси тоҷикӣ аз подаи сермаҳсул ҷудо карда шуд, ки маҳсулнокии ирсии онҳо 6000-8000 кг ширро ташкил медиҳад.Таҳқиқоти мақсадноки селексионию технологӣ дар хоҷагии зотпарварии ба номи С. Сафарови ноҳияи Балҷувон идома дошт, ки барои нигоҳ доштани захираи миллии ирсии намуд ва зотҳои чорвои гӯштӣ замина фароҳам меорад. Дар хоҷагиҳои зотпарварии ба номи Р. Аслиддинов ва «Россия»-и ноҳияи Айнӣ, «Резгиф»-и ноҳияи куҳистони Мастчоҳи вилояти Суғд, хоҷагии давлатии зотпарварии «Қутоспарварӣ»-и ноҳияи Ҷиргатол таҳқиқоти селексионӣ оид ба нигоҳдошт ва такмил додани хусусиятҳои ирсиву маҳсулнокии қутосҳои экотипи помирӣ гузаронида шуд, ки барои бунёди ҷинси нави зарафшонии қутосҳо мусоидат менамояд.Дар ин бора аз Академияи илмҳои кишоварзии Тоҷикистон ба АМИТ «Ховар» хабар доданд.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






