Рушди ҳамкории Тоҷикстон ва Индонезия

Душанбе, 25 декабр. (АМИТ «Ховар», Фарзона Достонзода).- 25 декабр дар шаҳри Душанбе мулоқоти муовини раиси Палатаи савдо ва саноати ҷумҳурӣ Лариса Кислякова ва Вазир – мушовири Сафорати Индонезия дар шаҳри Остона Ирван Идинг баргузор гардид.Тавре ки аз Палатаи савдо ва саноати ҶТ ба АМИТ «Ховар» хабар доданд, дар ҷараёни мулоқот масоили ҳамкории дуҷонибаи тиҷоратию иқтисодӣ баррасӣ шуданд. Ирван Идинг зикр намуд, ки мақсади сафорат минбаъд ҳам рушду густариш бахшидани ҳамкории тиҷоратию иқтисодии байни ҳар ду кишвар аст.Лариса Кислякова таваҷҷӯҳи меҳмонро ба соҳаҳои афзалиятноки иқтисодиёти Тоҷикистон ва вазъи сармоягузорӣ ҷалб намуда, аз фаъолияти Палатаи савдо ва саноат, мақсаду вазифаҳои он, тадбирҳои Палата барои ҷалби сармоягузорон ба Ҷумҳурии Тоҷикистон, перомуни намоишгоҳҳо ва ҷамъомадҳои соҳибкорон нақл кард.Ҷонибҳо изҳор доштанд, ки имконияти густариши ҳамкории минбаъдаи байни аҳли тиҷорат дар бунёди иншоотҳо, роҳҳои мошингард, нақбу пулҳо, соҳаҳои саноати сабук ва бахши сайёҳӣ мавҷуд аст.