Рушди соҳаи чорводорӣ дар ноҳияи Панҷакент

Душанбе, 7 декабр. (АМИТ «Ховар», Гулбаҳор Худойбердиева).- Чорводорони ноҳияи Панҷакент солҳои охир ба парвариши чорво аҳамияти ҷиддитар медиҳанд. Сабаб ин аст, ки шароити табиии ин ноҳия барои парвариши чорво мутобиқ буда, аслан барои беҳтаршавии вазъи ин соҳа мусоидат мекунад. Зимни суҳбат ба хабарнигори АМИТ «Ховар» сарзоотехники ноҳия Файзулло Муҳаммадиев иброз дошт, ки чорводорони ноҳия дар давоми соли ҷорӣ 960 сентнер шир, 49 сентнер гӯшт истеҳсол намуданд. Ба як сар модагов 1143кг сентнерӣ шир рост меояд.Дар айни замон дар ноҳия 4882 сар чорвои калони шохдор ва 12300 сар бузу гӯсфанд, 5600 сар мурғ, 191 сар асп, 34 сар қутос вуҷуд дорад.