Саҳми Ҳисор дар таъмини шири пойтахт

Ҳисор, 3 декабр. (АМИТ «Ховар», Ҳотам Рабиев).- Чорводорони ноҳияи Ҳисор аз оғози сол то имрӯз зиёда аз 6 ҳазор 320 тонна шир истеҳсол намуданд, ки аз нақшаи солона хеле зиёд аст. Аз ҳар сар модагов зиёда аз 4 ҳазор килограммӣ маҳсулот ба даст омадааст, ки ин бешубҳа комёбии калон аст. Хоҷагиҳои ба номи «Латиф Муродов», «Баракати чорводор», «Ватан», «20-солагии Истиқлолияти Ҷумҳурии Тоҷикистон», «50-солагии Октябр» дар истеҳсол ва супоридани шири хушсифат ба корхонаҳои коркарди шири шаҳри Душанбе саҳми арзанда доранд. Умуман, чорводорони ноҳияи Ҳисор дар таъмини сокинони шаҳри Душанбе бо шири босифат ҳиссаи арзанда доранд.