Семинари соҳаи тандурустӣ дар вилояти Хатлон
Душанбе, 19 декабр. (АМИТ«Ховар», Лайло Қосимова). -18 декабри соли равон бо мақсади ба роҳ мондани табобати беморон, таъйиноти дурусти маводи доруворӣ, аз байн бурдани ҳамкориҳои манфиатдор бо ширкатҳои истеҳсолкунандаи доруворӣ, ҷорӣ намудани усулҳои муосири ташхису табобат, бидуни нишондод таъйин намудани санҷишҳои гаронарзиш ва дар маҷмуъ, баланд бардоштани сифати хизматрасонии тиббӣ ба аҳолӣ, ки ба меъёрҳои Ташкилоти умумиҷаҳонии тандурустӣ мувофиқанд, бо ҷалби 250 масъули вилояти Хатлон ва сафарбар намудани сармутахассисони соҳавии сатҳи миллӣ дар шаҳри Қӯрғонтеппа дар Беморхонаи марказии вилояти Хатлон дар мавзӯи «Дастурҳои миллии клиникӣ, раванди таҳия ва мавриди истифода қарор додани онҳо дар амалияи тандурустӣ» семинар баргузор гардид. Дар он роҳбарони муассисаҳои ёрии аввалияи беҳдоштӣ ва сартабибони беморхонаҳои марказии шаҳру ноҳияҳои вилояти Хатлон иштирок намуданд.
Ҳадафи баргузории чорабинии мазкур таъмин намудани муассисаҳои тандурустии вилояти Хатлон бо дастурҳои клиникии муосир ва навгониҳои соҳа буд.
Мутахассисони сафарбаргардида пас аз аҷоми машварат сатҳи хидматрасонии тиббиро дар муассисаҳои вилоят мавриди таҳлилу баррасӣ карор дода, ба таври ройгон ташхису машварат ва амалиёти ҷарроҳиро анҷом доданд.
Тавре ки аз Хадамоти матуботи Вазорати тандурустӣ ва ҳифзи иҷтимоии аҳолии ҶТ хабар доданд, роҳабарияи вазорат тасмим гирифтааст, чунин семинарҳоро бо ҷалби мутахассисони баландпояи соҳа дар дигар минтақаҳои кишвар низ баргузор намояд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






