Шӯрои сайёри ҷумҳуриявӣ

Турсунзода, 16 декабр. (АМИТ «Ховар», Ҳотам Рабиев).-Дар шаҳри Турсунзода Шӯрои сайёри ҷумҳуриявии Созмони талабагии ба номи Исмоили Сомонии Ҷумҳурии Тоҷикистон баргузор гардид. Дар ҷамъомад раиси Шӯрои Созмони талабагии ноҳияи Ваҳдат З.Табарова, раиси Созмони талабагии ноҳияи Тавилдара Г.Абдуллоева, раиси Созмони талабагии ноҳияи Рӯдакӣ Р.Шобуддинова ва дигарон сухан гуфтанд. Байни раисони шӯро мубодилаи афкор ва табодули таҷрибаи ҳамдигар сурат гирифт.Меҳмонон бо кори Созмони талабагии литсей-интернати муштараки тоҷикӣ-туркии шаҳри Турсунзода шинос гардиданд. Созмони талабагӣ, ки алҳол дар бисёр шаҳру ноҳияҳо бо номи Маркази таҳсилоти иловагӣ фаъолият дорад, дар кори таълим ва тарбияи насли наврас, касбу ҳунаромӯзии кӯдакону наврасон саҳми арзанда дорад.