Шоҳроҳи Панҷакент-Айнӣ обод мешавад
Панҷакент, 30 декабр. (АМИТ «Ховар», Гулбаҳор Худойбердиева).-Дар давоми соли ҷорӣ дар соҳаи меъморӣ ва шаҳрсозӣ натиҷаҳои назаррас ба даст омаданд. Тавре ки ба хабарнигори АМИТ «Ховар» сармеъмори шаҳри Панҷакент Рӯзибой Маҳмудов гуфт: «Дар давоми соли равон барои беҳтару хубтар намудани шароити манзил, ба эҳтиёҷмандони шаҳру деҳоти Панҷакент бо Қарори Ҳукумати Ҷумҳурии Тоҷикистон қитъаи замини наздиҳавлигӣ ҷудо гардид. Ғайр аз ин 193 оилаи дар минтақаи хавфнок ҷойгирбудаи ҷамоати деҳоти Шинг аз шаҳраки Саразми ҷамоати деҳоти Саразм бо қитъаи замини наздиҳавлигӣ таъмин гардиданд, ки сохтмони хонаҳои истиқоматӣ мувофиқи нақшаи генералии шаҳраки Саразм тибқи лоиҳаи намунаи ягона идома дорад. Дар давоми соли 2013 дар бахши меъморӣ ва шаҳрсозӣ 1000 адад муроҷиати шахсони воқеӣ ва ҳуқуқӣ ба қайд гирифта шуд, ки нисбат ба ҳамин давраи соли 2012 352 адад зиёд мебошад. Аз ин миқдор аризаҳои воридшуда 389 адад қонеъ карда шуд. 231 адад ариза бо сабабҳои гуногун рад шуда, ба 337 адад ҷавоби муносиб ирсол карда шуд ва 43 адад мавриди баррасӣ қарор дорад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
