Симпозиуми сеюми минтақавӣ оид ба муолиҷаи бемории сил

Душанбе, 4 декабр. (АМИТ «Ховар», Зарангези Латиф).- Рӯзҳои 5-ум- 6-уми декабри соли равон бо ташаббуси Вазорати тандурустии Тоҷикистон ва созмони «Табибони бидуни марз» дар меҳмонхонаи «Серена»-и шаҳри Душанбе Симпозиуми сеюми минтақавӣ аз рӯи масъалаҳои муолиҷаи бемории сил баргузор мегардад.Мақсад аз баргузории симпозиум, такмили ташхис ва муолиҷаи бемории сил дар минтақаи Осиёи Марказӣ ва Аврупои Шарқӣ, аз ҷумла масоили роҳандозии барномаи муолиҷаи бемории сил байни кӯдакон дар Ҷумҳурии Тоҷикистон аст.Ҳамчунин дар симпозиуми мазкур коршиносони ҷаҳон дар бахши табобат бо истифода аз гиёҳҳои шифобахш, намояндагони вазоратҳои тандурустии давлатҳои минтақа ва созмонҳои бахши муолиҷаи бемории сил ширкат меварзанд.Дар ин бора аз хадамоти матбуоти Вазорати тандурустии Тоҷикистон иттилоъ доданд.