Таҷлили бошукуҳи 80-солагии факултаи математика
Душанбе, 31 декабр. (АМИТ «Ховар», Раъно Нусратуллоева).- Дар толори фарҳангии Донишгоҳи давлатии омӯзгории Тоҷикистон ба номи Садриддин Айнӣ ба ифтихори 80-солагии факултаи математика 30 декабри соли ҷорӣ конфронси илмии байналмилалӣ баргузор гардид, ки дар он донишмандони улуми математика-физика аз макотиби олии ҷумҳурӣ ва устодону толибилмони факултаи мазкур ширкат варзиданд. Тавре ки котиби матбуоти Донишгоҳи омӯзгорӣ Бахтиёри Абдураҳим иттилоъ дод, дар оғози ҳамоиш ректор Абдуҷаббор Раҳмонов аз таърихи рангин ва пуршебу фарози факулта сухан гуфта, аз муассисон ва нахустомӯзгорони он ёдовар шуд. Тибқи иттилои мавсуф, тӯли солҳои зиёд дар заминаи ин факулта чанд сохтори дигар низ арзи ҳастӣ кард, ки факултаи иқтисодиёт ва идоракунӣ дар соҳаи маориф яке аз онҳост. Ин факулта сараввал ба сифати кафедра таъсис ёфт ва сипас, бо тақозои замон ҳамчун факултаи алоҳида идомаи фаъолият кард. А.Раҳмонов аз дастовардҳои олимони факултаи математика ёдрас гардида, нақши онҳоро дар ташаккул ва густариши ин илми барои ҷомеа зарур ниҳоят муфид ва арзанда унвон намуд. Дар такя бар қавли ӯ, муддати 80 сол донишҷӯёни бисёре ин даргоҳро ба итмом расонида, қисмате аз онҳо ба тадқиқоти илмӣ дар ин ҷода машғул шуданд ва ба муваффақиятҳо ноил гардиданд. Алъон бо итминони комил метавон зикр кард, ки дастпарварони факулта дар мактабҳои олии кишвар ифои вазифа намуда, унвонҳои баланди илмиро соҳиб шудаанд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






