Табрикномаи бо даст навишта кайфияти дигар дорад

Декабрь 28, 2013 10:50

Хоруғ, 28 декабр. (АМИТ «Ховар», Файз Мирасан).-Шасту се фисади даромади Корхонаи воҳиди давлатии «Почтаи тоҷик» дар Вилояти Мухтори Куҳистони Бадахшон аз ҳисоби обунашавӣ ба рӯзномаву маҷаллаҳо ба даст меояд. Ба гуфтаи сардори «Почтаи тоҷик» Маъруф Шоҳниёзов даромади боқимонда аз хизматрасонии алоқаи почта, яъне фиристондани муросилот: мактубҳои оддӣ, супоришӣ ва арзишнок, ирсоли бастаҳо ва ё бандеролҳои оддӣ ва супоришӣ- қимматнок ва равонак ё посилка ҷамъ мешавад. Хизматрасонии алоқаи почтавӣ аз рӯи нархномаи тасдиқшудаи хадамоти алоқаи назди Ҳукумати ҷумҳурӣ ба амал бароварда мешавад. Ба гуфтаи танзимгари нуқтаи хизматрасонии алоқаи почта Дилафрӯз Содиқова Хадамоти алоқа метавонад муросилоти почтаро дар зудтарин фурсат ва осону дастрас ба суроғаҳои дархостии шаҳру навоҳии кишварҳои Иттиҳоди Давлатҳои Мустақил ва хориҷи кишвар расонад. Ба ғайр аз муросилоти почтавӣ алоқаи почта молҳои дафтардорӣ, табрикномаҳои рангоранг ва лифофаҳои гуногунро ба мизоҷон пешкаш мекунад. Боймамад Алибахшов, яке аз муштариёни алоқаи почта гуфт, ки агарчанде акнун бештари паёму тарбикот ба дӯстону наздикон тавассути воситаҳои электронӣ расонда мешавад, аммо ироаи табрикномаи бо даст навишта ба гирандаи он кайфияти дигаре мебахшад.

Декабрь 28, 2013 10:50

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд