Таъмини муассисаҳои тиббӣ бо дастгоҳҳои компютерӣ
Душанбе, 19 декабр. (АМИТ«Ховар», Лайло Қосимова). -Аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба муассисаҳои тандурустии шаҳри Душанбе ва 65 шаҳру ноҳияҳои ҷумҳурӣ 218 компютер, 160 модем ва 90 дастгоҳи чоп тақсим гардид. Таҷҳизоти мазкур аз ҷониби Иттиҳоди Аврупоӣ дар доираи Лоиҳаи «Кӯмаки техникӣ барои таҳким бахшидани системаи иттилоотии тандурустӣ дар Ҷумҳурии Тоҷикистон (HMIS III)» дастрас шудааст.
Тавре ки аз Хадамоти матбуоти вазорат хабар доданд, то охири соли 2013 муассисаҳои тандурустии шаҳри Душанбе ва 20 ноҳияи ҷумҳурӣ ва баъдан то нимсолаи якуми соли 2014 дигар шаҳру ноҳияҳои боқимонда, ба шабакаи ягонаи иттилоотии тандурустӣ пайваст шуда, бо таҷҳизот (компютерҳо, модемҳо ва дастгоҳи чоп) таъмин мешаванд.
Таҳкими системаи иттилоотии тандурустӣ ҳамзамон бо омӯзонидани кормандони соҳаи омори тандурустии шаҳру ноҳияҳо ва кормандони раёсатҳои тандурустӣ оид ба технологияи нави истифодаи компютерӣ ва воридсозии барномаи DHIS-2 гузаронида мешавад.
Лоиҳаи Иттиҳоди аврупоӣ «Кӯмаки техникӣ барои таҳким бахшидани системаи иттилоотии тандурустӣ дар Ҷумҳурии Тоҷикистон» бо маблағи 3,4 млн. Евро, ба ворид намудани системаи ягонаи электронии ҳисоботсупорӣ дар сохтори миллии тандурустӣ мусоидат менамояд.
Лоиҳа дар якҷоягӣ бо EPOS Health Management (Олмон) ва ICON-Institute Public Sector (Олмон), бо иштироки Донишгоҳи Осло (Норвегия) ва IrfatC (Тоҷикистон) татбиқ мешавад. Лоиҳа то моҳи майи соли 2016 амалӣ мешавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






