Туҳфа ба мактабиён

Муъминобод, 26 декабр. (АМИТ «Ховар», С. Холов).-Дар давраи соҳибистиқлолии Тоҷикистон бо дастгирии ҳукумати мамлакат, мақомоти ҳокимияти давлатӣ ва соҳибкорону ашхоси саховатпеша шароити будубош ва таълиму тарбия дар мактаб–интернати ятимону бепарасторони ноҳияи Муъминобод рӯ ба беҳбудӣ оварда, сатҳу сифати таълим беҳтар гардид, -гуфт сарвари муассисаи таълимии мазкур Ҷамолхон Паҳлавонов. Сарпарастони таълимгоҳ дар арафаи иду ҷашнҳо ба мактабиён кӯмакҳои моливу моддӣ мерасонанд. Чанде пеш дар арафаи Соли нави мелодӣ ба толибилмони мактаб-интернат аз ҷониби Раёсати бонкҳои минтақаи Кӯлоб туҳфаҳои идона- либоси зимистона ва болопӯши гарм дастрас гардид.