Як медали тилло ва як биринҷӣ дар сабқати Осиё ва ҷаҳон

Хоруғ, 27 декабр. (АМИТ”Ховар”, Файз Мирасан).- Аз мактаби гӯштини ВМКБ хушхабар расид, ки дар шаҳри Пекини Ҷумҳурии Мардумии Чин чемпионати Осиё байни ҷавонон аз риштаи гӯштини дзюдо баргузор шуд. Дар он чор нафар дастпарварони мактаби гӯштини ВМБК ширкат варзиданд.  Дар вазни то сад килограмм ғолиби чандин мусобиқаҳои ҷумҳуриявӣ Санавбар Шанбиев бар ҳарифон пирӯз омад, вале дар вохурии нимниҳоӣ бар варзишгари ҷопонӣ бой дод ва соҳиби ҷойи ифтихории сеюм ва сазовори медали биринҷӣ гардид. Ҳамчунин дастпарвари мактаби мазкур Хушқадам Хисравов дар мусобиқа аз намуди гӯштини самбо, ки дар шаҳри Маскав баргузор гардид, бар ҳамаи рақибон дастболо шуда, соҳиби медали тилло ва унвони каҳрамони ҷаҳон гардид.