Ёдбуди Ҳайдар Алиев

Душанбе, 12 декабр. (АМИТ «Ховар»).- 10 декабр дар шаҳри Душанбе маросими ёдбуди хотираи рахшони ходими намоёни сиёсию давлатӣ, роҳбари умумимиллии халқи озар Ҳайдар Алиев баргузор гардид.Тавре ки аз сафорати Озарбойҷон дар Тоҷикистон хабар доданд, Сафири Озарбойҷон Аббосалӣ Ҳасанов аз ҳаёту фаъолият, шахсияти сарвари умумимиллии халқи озар, дар бораи тадбирҳое, ки тайи соли 2013 бахшида ба 90 – солагии зодрӯзи Ҳайдар Алиев андешида шудаанд, нақл кард. Сафир зикр намуд, ки вақтҳои наздик дар бинои сафорат гӯшаи Ҳайдар Алиев созмон дода мешавад. Бо фармоиши сафорат ҳайкалтароши тоҷик Шаҳриёр Мухторӣ нимпайкараи Ҳайдар Алиевро офаридааст, ки дар ҳавлии сафорат гузошта мешавад. Сипас дипломатии Озарбойҷон дар бораи баъзе хислатҳои ин шахси бузург, ки тамоми ҳаёти худро ба таҳкиму рушди минбаъдаи Ҷумҳурии Озарбойҷон бахшидааст, муфассал нақл кард. Сафир Аббосалӣ Ҳасанов дар хотима зикр намуд, ки имрӯз кишвараш бо роҳбарии Президенти Ҷумҳурии Озарбойҷон Илҳом Алиев сиёсати Ҳайдар Алиевро муваффақона идома медиҳад.