Қочоқи маводи нафтӣ аз кишварҳои ҳамҷавор коҳиш ёфт
Душанбе, 23 январ. (АМИТ «Ховар», Лутфия Эшонқулова).- «Баъди боҷи содиротии гумрукиро бекор намудани Русия тамоюли коҳиш ёфтани қочоқи маҳсулоти нафтӣ аз кишварҳои ҳамсоя ба Тоҷикистон ба назар мерасад», — гуфт зимни вохӯрӣ бо журналистон муовини аввали сардори Хадамоти гумруки ҶТ Неъмат Раҳматов. Мувофиқи маълумоти мавсуф, вориди бебоҷи маводи сухт ҳанӯз дар охири моҳи ноябри соли гузашта оғоз ёфта буд. То имрӯз тибқи қоидаҳои нав аз Русия қариб 600 ҳазор тонна маводи нафтӣ ба Тоҷикистон расидааст. «Ҳиссаи Русия дар воридоти маводи нафтӣ ба Тоҷикистон то соли 2010 қариб 90 фоизро ташкил дода, баъди ҷорӣ шудани боҷҳои гумрукӣ баробари 40 фоиз коҳиш ёфт», — қайд намуд муовини аввали сардори Хадамоти гумрук.«Гуфтан мумкин нест, ки баъди лағви боҷҳои содиротӣ қочоқи маводи сухт хотима ёфтааст, зеро ҳаҷми андоз ва шартҳои андозгузорӣ дар кишварамон гуногун буда, бинобар ин баъзе иштирокдорони беинсофи фаъолияти хориҷии иқтисодӣ метавонанд ин вазъиятро ба нафъи худ истифода баранд. Вале мо, ки дар ин росто таҷрибаи кофӣ андухтаем, барои ҷилавгирии қочоқи маводи нафтӣ минбаъд ҳам мубориза мебарем», — гуфт Неъмат Раҳматов.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






