Қурби асъори хориҷӣ каме баланд шуд

Душанбе, 24 январ. (АМИТ «Ховар», Лайло Қосимова).- Ҳафтаи ҷорӣ қурби доллари ИМА дар нуқтаҳои мубодилаи асъори ҷумҳурӣ каме афзуда, ба ҳисоби миёна дар ҳудуди 4,9475-4,9658 сомонӣ қарор гирифт.  Ҳамчунин дар ин давра қурби миёнаи амалиёт бо рубли русӣ каме паст шуда, 0,1454-0,1464 сомониро ташкил намуд ва бо евро андаке баланд шуда ба 6,6498-6,6758 сомонӣ баробар шуд. Тавре ки аз хадамоти матбуоти Бонки миллии Тоҷикистон хабар доданд, 23 январ қурби миёнаи доллари ИМА дар нуқтаҳои мубодилаи асъори шаҳри Душанбе 4,9700-4,9800 сомонӣ, шаҳри Хуҷанд 4,9700-4,9800 сомонӣ ва шаҳри Қурғонтеппа 4,9500-4,9700 сомониро ташкил намуд.