Ҳамкориҳои Тоҷикистону Украина дар соҳаҳои варзишу туризм
Душанбе, 29 январ. (АМИТ «Ховар», Фарзона Ашӯрмадова).-Дирӯз, 28-уми январи соли ҷорӣ раиси Кумитаи ҷавонон, варзиш ва сайёҳӣ Маликшо Неъматов бо Сафири Фавқулода ва Мухтори Украина дар Тоҷикистон Виктор Олегович Никитюк масоили вобаста ба ҷавонон, варзиш ва туризм дар Тоҷикистон ва ҳамкориҳо бо Украина баррасӣ намуданд.
Тавре ки дар ин бора аз Кумитаи ҷавонон, варзиш ва сайёҳии назди Ҳукумати кишвар хабар доданд, дар ҷараёни мулоқот раиси кумита оид ба муносибатҳои мутақобилан судманди ҳар ду кишвар сухан гуфта, ҷиҳати густариши ҳамкориҳо бо сафорати Украина дар Тоҷикистон ва ҳамзамон сафорати Тоҷикистон дар Украина дар самти ҷавонон, варзиш ва туризм, инчунин ҳамкориҳо бо кумитаҳои миллии олимпии ҳар ду кишвар ибрози назар намуд.
Гуфта мешавад, ки ҷонибҳо ба мувофиқа омаданд, ки дар доираи ҷаласаи Комиссияи муштараки байниҳукуматии Тоҷикистону Украина оид ба ҳамкориҳои иқтисодӣ, ки моҳи апрели соли гузашта дар шаҳри Душанбе баргузор гардида буд, лоиҳаи Созишномаи байни Ҳукумати Ҷумҳурии Тоҷикистон ва Девони вазирони Украина оид ба ҳамкорӣ дар соҳаи сиёсати ҷавонон дар мувофиқаи байниҳамӣ барои имзо омода мебошад.
Бо Украина санадҳои меъёрию ҳуқуқӣ дар соҳаҳои туризм ва варзиш ҳанӯз соли 2008 ба тавсиб расидааст ва дар ин самт ҳамкориҳо хуб ба роҳ монда шудааст.
Сафири Украина дар Тоҷикистон Виктор Олегович Никитюк даъват ба амал овард, ки дар барномаҳои мубодилаи ҷавонони ҳарду кишвар, ва бештар дар баргузории чорабиниҳо дар соҳаи варзиш ва туризм ҳамкориҳоро ҷоннок намоянд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






