13 нафар ҷароҳатҳои гуногуни ҷисмонӣ бардошт

Душанбе, 7 январ. (АМИТ«Ховар», Лайло Қосимова). -Аз 01 то 05 январи соли ҷорӣ дар роҳҳои мошингарди ҷумҳурӣ 13 садамаи нақлиётӣ ба қайд гирифта шуд, ки дар натиҷа 4 нафар ба ҳалокат расида, 13 нафари дигар бо ҷароҳатҳои гуногуни ҷисмонӣ дар беморхонаҳо бистарӣ гардиданд. Аз ҷумла, 5 январи соли 2014 мошини тамғаи «ДЭУ-Муссо» таҳти идораи ронанда Ҳасан Ҳасанов ҳангоми ҳаракат дар роҳи нақлиётгарди «Душанбе-Чаноқ-Хуҷанд» дар километри 32-юми роҳ бехатарии ҳаракати роҳро таъмин карда натавониста, ба самти муқобили роҳ баромада, ба бетони обпартои деҳаи Гажни бархӯрд. Дар натиҷа худи ронанда Ҳасан Ҳасанов дар ҷои ҳодиса ба ҳалокат расида, мусофири дохили мошини мазкур Майдамоҳ Ҳусейнова ҷароҳати ҷисмонӣ бардошта, дар беморхона бистарӣ гардид.