44 ҳодисаи сӯхтор дар як ҳафта

Душанбе, 7 январ. (АМИТ«Ховар», Лайло Қосимова). -Ҳафтаи гузашта дар миқёси ҷумҳурӣ 44 ҳодисаи сўхтор бо хисороти молии умумии 84109 сомонӣ ба қайд гирифта шуд. Масоҳати умумии сўхтор 1048 метри мураббаъро ташкил дода, маблағи аз сўхтор эмин дошта ба 4157440 сомонӣ баробар мебошад. Сабабҳои асосии ҳодисаҳои нохуш оташбозии кўдакон, муносибати беэҳтиётона бо оташ, вайрон кардани қоидаҳои бехатарӣ аз сўхтор ҳангоми истифодаи асбобҳои гармидиҳандаи барқию газӣ, расиши кўтоҳи ноқилҳои барқӣ ва ғайраҳо мебошанд. Тавре ки аз Хадамоти давлатии отшанишонӣ ба АМИТ “Ховар” хабар доданд, аз шумораи сӯхторҳо 10 ҳодисаи сӯхтор дар вилояти Суғд, 10 ҳодиса дар вилояти Хатлон, 14 ҳодиса дар шаҳри Душанбе, 3 ҳодисаи сӯхтор дар Ҳисору шаҳри Ваҳдат рух додааст.