Андозсупорандагони беҳтарин муайян шуданд

Душанбе, 14 январ (АМИТ «Ховар», Фарзона Ашӯрмадова).-Кумитаи андози назди Ҳукумати Ҷумҳурии Тоҷикистон андозсупорандагони беҳтарини соли 2013-ро муайян кард. Аз Кумитаи андоз ба АМИТ «Ховар» иттилоъ доданд, ки бо назардошти нисбатан ба натиҷаҳои назаррас ноил гардидан дар иҷрои уҳдадориҳои андозӣ бо пешниҳоди Комиссияи тасдиқшуда, ҶСП «Комбинати шири Душанбе» (ш. Душанбе),ҶСП «Казкоммерсбонк» (ш. Душанбе),ҶСП «ТТ-Мобайл» (ш. Душанбе),ҶДММ ТАҚХ «Имон-Интернешнл» (ш. Хуҷанд),ҶСП «Баҳористон» (ш.Қайроққум),Артели заршўи «Одина» (н. Ховалинг) ба унвони «Андозсупорандаи беҳтарини соли 2013» сазовор дониста шуданд.Гуфта мешавад, ҳадаф аз ташкили чунин озмунҳо баланд бардоштани сатҳи фарҳанги андозсупории ташкилоту корхонаҳо мебошад. Ҳамзамон ин иқдом барои ба вуҷуд овардани рақобати солим ва ҳавасмандгардонии андозсупорандагон низ нақши муассир хоҳад гузошт.