Азхудкунии пули барқи муштариён

Душанбе, 20 январ. (АМИТ «Ховар», Лутфия Эшонқулова).- Кормандони мақомоти корҳои дохилӣ шаҳрванд Камолхуҷа Хоҷаев, соли таваллудаш 1980, сокини ноҳияи Бобоҷон Ғафуровро бо гумони ғайриқонунӣ азхудкунии маблағҳои пулӣ дастгир намуданд.Тибқи иттилои сомонаи расмии ВКД номбурда ҳангоми фаъолият намуданаш ба ҳайси назоратчии барқи ноҳияи Б.Ғафуров аз 10-уми феврал то 31 октябри соли 2012 дар минтақаи вобасташудааш аз 620 нафар муштарӣ ба миқдори 49101 сомонӣ маблағи пули истифодаи барқро ҷамъ намудааст. Аз ин миқдор 44883 сомониро ба хазинаи шуъбаи фурӯши барқи ноҳия супорида, боқимонда 4218 сомониашро ғайриқонунӣ аз худ кардааст.Нисбат ба ҳодисаи мазкур тафтиш идома дорад.