Бақайдгирии 135 иттиҳодияи динӣ дар як сол

Душанбе, 14 январ. (АМИТ «Ховар», Афшини Муқим).- «Дар давоми соли 2013 аз ҷониби Кумитаи оид ба корҳои дин, тазими анъана ва ҷашну маросимҳои миллӣ 135 иттиҳодияи динӣ ба расмият дароварда шуд», — иттилоъ дод раиси ин кумита Абдураҳим Холиқов 14 январ зимни нишасти матбуотӣ. Ӯ зикр намуд, ки ба расмият шинохта шудани 135 иттиҳодияи динӣ дар соли 2013 дар ҳолест, ки ба қавли Абдураҳим Холиқов дар ин сол ба кумита 416 ҳуҷҷат ҷиҳати бақайдгирӣ ҳамчун иттиҳодияи динӣ ворид шуда, аз ин шумора 238 дархост аз сабаби мутобиқ набудан бо қонунгузориҳои ҷории кишвар ҳамчун иттиҳодияи динӣ ба қайд гирифта нашуд. Гуфта шуд, аз 135 иттиҳодияи динии бақайдгирифта 3 адади онро масҷиди ҷомеи марказӣ, 10 ададро масҷиди ҷомеъ ва боқиро масоҷиди панҷвақта ташкил медиҳанд.