Барқарории робитаи ҳамкорӣ бо JICA
Душанбе, 10 январ. (АМИТ «Ховар»).- Абдуҷаббор Раҳмонов, ректори Донишгоҳи давлатии омўзгории Тоҷикистон ба номи Садриддин Айнӣ 9-уми январи соли ҷорӣ бо роҳбари Агентии ҳамкориҳои байналмилалии Ҷопон (JICA) Казуя Суэта мулоқот намуд. Сарвари таълимгоҳ зикр кард, ки чанде қабл «Барномаи рушди донишгоҳ барои солҳои 2014-2019» таҳия гардид, ки яке аз нуктаҳои муҳими он густариши равобити ҳамкорӣ бо ширкатҳои бурунмарзӣ мебошад. Маърифатгоҳи мо имкон ва ҳуқуқ дорад, ки дар заминаи ин барнома ва дигар асноди тасдиқнамудаи Ҳукумати ҷумҳурӣ бо созмонҳои хориҷӣ робитаҳои дуҷонибаро дар самтҳои мухталиф ба роҳ монад. Тавре ки котиби матбуоти Донишгоҳи омўзгорӣ Бахтиёри Абдураҳим иттилоъ дод, ректор А.Раҳмонов, ҳамзамон, изҳор дошт, ки: «JICA дар рушди соҳоти гуногуни мамлакати мо, хосса, соҳаи маориф саҳми арзанда гузоштааст. Бо дастгирии молиявии ин ширкат макотиби миёнаи зиёде бунёд гардиданд, ки мавриди истифода қарор доранд. Итминони комил дорем, ки ҳамкориҳои мо густариш хоҳанд ёфт».Роҳбари JICA К. Суэта дар навбати хеш пиромуни самтҳои фаъолияти муассисаашон маълумоти муфассал ироа кард. Дар такя бар қавли ў, JICA дар Тоҷикистон дар самтҳои тараққиёти деҳот, тандурустии занону кӯдакон, таъмини оби нӯшокӣ ва нақлиёт фаъолияташро амалӣ мекунад, ки ин ҳама иқдомот дар вилояти Хатлон ва водии Ҳисор амалӣ мешаванд. Ҳамчунин рушди захираҳои инсонӣ яке аз ҳадафҳои JICA аст. Вобаста ба амалигардии ин мақсад дар айни ҳол ду лоиҳа мавриди амал ҳастанд, ки стипендия барои муҳассилин, фиристодани хизматчиёни давлатӣ ба Ҷопон барои омўзиш ва ташкили курсҳои кўтоҳмуддат аз нуктаҳои асосии ин лоиҳаҳо мебошанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






