Баррасии ҳамкориҳои Тоҷикистону Қатар дар бахши варзиш
Душанбе, 23 январ. (АМИТ «Ховар», Фарзона Ашӯрмадова).- Дирӯз, 22 январи соли равон раиси Кумитаи ҷавонон, варзиш ва сайёҳӣ Маликшо Неъматов бо Сафири фавқулода ва мухтори давлати Қатар дар Тоҷикистон Алӣ ибни Муборак Саид-ал- Муҳанаддӣ ҳамкориҳои ду ҷониба дар самти туризм ва варзишро баррасӣ намуд.Тавре ки дар ин бора аз Кумитаи ҷавонон, варзиш ва сайёҳӣ хабар доданд, зимни суҳбат ҷонибҳо бобати ҳамкорӣ дар бахшҳои варзиш ва туризм изҳори омодагӣ намуда, сафири давлати Қатар дар Тоҷикистон иброз доштааст, ки дар сурати ташвиқу тарғиби ҳарчи бештари туризми Тоҷикистон имкони ҷалби бештари сайёҳони қатарӣ ба Тоҷикистон мавҷуд аст. Гуфта мешавад, ки ҷонибҳо дар мулоқот ба мувофиқа омаданд, ки Тоҷикистону Қатар имкони ба роҳ мондани баргузории машқҳои муштарак, бозиҳои рафиқона ва табодули таҷрибаи мутаххасисони соҳа ва такмили дигар бахшҳои варзишро доранд. Маликшо Неъматов дар навбати худ омодагии ҷониби Тоҷикистонро барои имзои Созишномаи ҳамкорӣ байни Тоҷикистону Қатар дар бахшҳои туризму варзиш иброз намуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






