Беш аз 103 миллион сомонӣ барои таъмири роҳҳои Суғд

Душанбе, 20 январ. (АМИТ «Ховар», Фарзона Достонзода).- Соли ҷорӣ аз буҷети вилоят барои таъмиру ободонии роҳҳои вилояти Суғд беш аз 103 миллион сомонӣ ҷудо карда шудааст, ки он барои татбиқи барномаи ободонии роҳҳо дар соли 2014 мавриди истифода қарор мегирад. Тавре ки аз хадамоти матбуоти вилояти Суғд ба АМИТ «Ховар» хабар доданд, мувофиқи қарори раиси вилояти Суғд Абдураҳмон Қодирӣ, дар шаҳру ноҳияҳои вилоят корҳо барои ободонӣ ва кабудизоркунии роҳҳо вусъат ёфтаанд.Ба шуъбаи нақлиёт ва роҳҳои мақомоти иҷроияи ҳокимияти давлатии вилоят, раёсати сохтмони асосии вилоят, Раёсати давлатии «Корхонаи хоҷагии роҳҳои мошингарди Суғд», намояндагии Корхонаи воҳиди давлатии «Хоҷагии манзилию коммуналӣ» — и вилоят дастур дода шудааст, ки якҷоря бо мақомоти иҷроияи ҳокимияти давлатӣ ҳамаи шаҳру ноҳияҳои вилоят татбиқи лоиҳаи мазкурро таъмин намоянд.Хотирнишон месозем, ки соли 2014 дар Суғд соли ободонии роҳҳо эълон шудааст.