Блаттер: «Ситораҳо аз тӯббозӣ дар кӯчаҳо оғоз кардаанд»
Душанбе, 28 январ.(АМИТ «Ховар», Ситора Раҷабова).-Президенти Федератсияи ҷаҳонии футбол Йозеф Блаттер, дар боздидаш аз Санкт-Петербурги Русия бо Хуршед Мирзоев, муовини аввали раҳбари Федератсияи футболи Тоҷикистон ва Ислом Маҳмадшоев, дабири кулли ин ниҳод мулоқот кардааст.
Тавре ки дар ин бора Федератсияи футболи кишвар хабар додааст: “Хуршед Мирзоев дар ин мулоқот изҳор дошт, ки ФФТ аз мавқеъ ва тасмимҳои Блаттер барои рушди футбол дар тамоми ҷаҳон пуштибонӣ мекунад”.
Зимни ин дидор рушди футболи кӯдакону наврасон дар Тоҷикистон баррасӣ шудааст. Йозеф Блаттер аз тасмими раҳбарияти Федератсияи футболи Тоҷикистон дар мавриди соли футболи омма эълон кардани соли 2014 истиқбол кардааст. “Ин идеяи беҳтарин аст ва бартариҳои зиёд хоҳад дошт. Бидуни футболи оммавӣ элита намешавад. Бисёре аз ситораҳои футбол роҳи худро аз тӯббозӣ дар кӯчаҳо оғоз кардаанд”, — гуфтааст Блаттер.
Имрӯз дар шаҳри Душанбе ҳаво то 23 дараҷа гарм мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
