Бозори такрории коғазҳои қиматнок фаъол мегардад
Душанбе, 15 январ. (АМИТ «Ховар», Фарзона Ашӯрмадова).- Бо мақсади иҷрои банди 7-и Протоколи ҷаласаи 12-уми Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ аз 13 декабри соли 2013 дар назди Бонки миллии Тоҷикистон гурӯҳи корӣ оид ба рушди бозори такрории коғазҳои қиматнок ва биржаи фондӣ таъсис дода шуд. Тибқи иттилои Котиботи Шӯрои машваратӣ дар ҷаласаи якуми ин гурӯҳи корӣ масоили мушкилоти асосии рушди бозори такрории қоғазҳои қиматнок ва биржаҳои фондӣ дар ҷумҳурӣ, инчунин самтҳои фаъолияти гуруҳи корӣ муҳокима ва муайян шуд. Гуруҳи корӣ бояд ҷанбаҳои мухталифи рушди коғазҳои қиматнок ва биржаҳои фондиро дар Тоҷикистон таҳлил намуда, тавсияҳои мушаххасро ҷиҳати рушди соҳа барои муҳокима ба ҷаласаҳои минбаъдаи Шўро пешниҳод намояд. Гуфта мешавад, ки мақсади асосии ташкили бозори такрории қоғазҳои қиматнок ва биржаи фондӣ муҳайё гардонидани сармояи озод барои рушди соҳибкорӣ ва сармоягузорӣ, тақсими самараноки сармояи пулӣ байни соҳаҳои иқтисодиёт ва фаъол гардонидани интишори саҳмияҳои ширкатҳои ватанӣ ва фурӯши онҳо дар бозори фондӣ мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






