Бунёди 14 коргоҳ дар соҳаи матлубот
Душанбе, 27 январ. (АМИТ «Ховар», Фарзона Достонзода). — Соли 2013 теъдоди 14 коргоҳи истеҳсолӣ дар соҳаи «Тоҷикматлубот» ба фаъолият оғоз намуд. Раиси Раёсати Иттифоқи «Тоҷикматлубот» Сироҷиддин Валиев 27 январ дар нишасти матбуотӣ зикр намуд, ки дар корхонаи истеҳсоли болопӯши пашмини ҷамъияти матлуботи ноҳияи Данғара дар асоси дархости аҳолӣ истеҳсоли болопӯшҳо аз нахи пахта ба роҳ монда шуд. «Ҳаҷми истеҳсоли маҳсулоти консерва дар соли сипаригашта ба 13 млн. қуттии шартӣ расонида шуд, ки аз соли 2012-ум 4 млн. қуттии шартӣ зиёд аст», — тазаккур дод С. Валиев. Ба иттилои ӯ дар бозорҳои соҳа хизматрасонии пулакӣ ба маблағи 4,5 млн. сомонӣ расонида шуд, ки нисбат ба соли 2012-ум 174 ҳазор сомонӣ зиёд мебошад.Ҳаҷми хариди маҳсулоти кишоварзӣ (маҳсулоттайёркунӣ) дар давраи ҳисоботӣ 114 млн. сомониро ташкил намуд, ки аз соли 2012 ба қадри 7 млн. сомонӣ зиёд аст.«Раёсати Иттифоқи «Тоҷикматлубот» нақшаи захираи маҳсулоти кишоварзӣ, сӯзишворӣ ва ашёи хоми чорворо пурра иҷро намуд. Захираи маҳсулоти кишоварзӣ 33,3 ҳазор тоннаро ташкил дод, ки ин аз соли 2012 8,2 ҳазор тонна зиёд аст. Аз ҷумла, 12 ҳазору 72 тонна сабзавот тайёр карда шуд, ки нисбат ба соли гузашта 1 ҳазору 266 тонн зиёд мебошад», — гуфт дар хотима С. Валиев.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






