Чанд хабар аз хориҷи кишвар
Нигаронии Созмони Милали Муттаҳид Душанбе, 08 январ.(АМИТ «Ховар»)-Тавре ки дар торномаи интернетии Кайҳон Нюс омадааст, Созмони Милали Муттаҳид аз вазъи феълии Ҷумҳурии Африқои Марказӣ изҳори нигаронӣ мекунад. Бино ба иттилои ин созмони бонуфузи ҷаҳонӣ теъдоди қурбониёни бархурдҳо дар ин кишвар ба садҳо нафар расидааст. Ғайр аз ин, дар пайи авҷ гирифтани задухӯрдҳои таслиҳотӣ ҳудуди 500 ҳазор нафар иҷборан тарки манзил кардаанд. Таркиш дар Либия Душанбе, 08 январ.(АМИТ «Ховар»)-Дирӯз дар наздикии бинои яке аз додгоҳҳои шаҳри Бенғозии Либия таркиши сахт ба амал омад. Дар пайи ҳодиса 4 тан аз кормандони ҳифзи ҳуқуқ ҷон бохта, 6 каси дигар ҷароҳатҳои гуногун бардоштанд. Ба гуфти расонаҳои дохили кишвар ҷинояткори номаълум мошини ҳомили таҷҳизоти таркандаро тавассути дастгоҳи идоракунандаи фосилавӣ инфиҷор додааст. Бар асари зарбаи сахти инфиҷор қисми зиёди бинои додгоҳ ва дигар иншооти маъмурӣ пурра хароб гардид. Кормандони мақомоти дахлдор аз рӯи ҳодиса тафтишот мебаранд.Муноқишаҳо дар Нигерия Душанбе, 08 январ.(АМИТ «Ховар»)-Ҳафтаи равон дар қисми марказии Нигерия бар асари муноқишаҳои қабилавӣ 30 нафар ба ҳалокат расид. Моҳи ноябри соли ҷорӣ дар 3 минтақаи қисми шимолу шарқии Нигерия ҳукуматдорон вазъияти фавқулодда эълон карда буданд.Мувофиқи иттилои расида. нооромиҳо беш аз 20 ҳазор сокини музофотҳои қисми шимолу шарқии Нигерияро ба тарки манзил маҷбур сохтанд. Аз рӯи маълумоти Хадамоти муҳоҷирати кишвар дар давоми як соли нооромиҳо аксар сокинони минтақаҳои даргир ба ҷойҳои нисбатан ором, аз ҷумла ба кишварҳои ҳамсоя — Камерун ва Нигер ҳиҷрат намуданд. Мвофиқи ҳисоботи оморӣ аз соли 2009-ум инҷониб дар пайи ҳамлаҳои гуруҳҳои ҷиноятпеша дар Нигерия 3 ҳазору 600 нафар ҷон бохтаанд.Тарҷумаи Иброҳими Ҳабибуллоҳ








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






