Дастаи «Истиқлол» мураббиашро иваз кард
Душанбе, 13 январ. (АМИТ «Ховар», Фарзона Ашӯрмадова).-Олег Ширинбеков, сармураббии дастаи «Истиқлол», ки тобистони соли гузашта ба ин вазифа таъйин шуда буд, аз мақомаш барканор гардида, ба ҷои ӯ Мубин Эргашев мураббии дастаи «Истиқлол» таъйин шуд. Тавре ки дар ин бора сомонаи Федератсияи футболи кишвар хабар додааст, Эргашев моҳи феврали соли гузашта ба унвони сармураббии дастаи “Хуҷанд”-и Хуҷанд таъйин шуда буд ва то ин замон дар ин вазифа фаъолият дошт. Шоҳрух Саидов, раиси дастаи “Истиқлол” сабаби барканории Ширинбековро дар “иҷро нашудани вазифаҳо” унвон кардааст. Ба гуфтаи мавсуф, бо қарори Федератсияи футболи Тоҷикистон дастаҳои Лигаи олиро танҳо мураббиёне сарварӣ хоҳанд кард, ки муҷаввизи дараҷаи “А” доранд. “Ширинбеков танҳо иҷозатномаи дараҷаи “Б”-ро дорад ва ин имкон намедиҳад, ӯ сармураббии дастаи “Истиқлол” бошад”. Дастаи “Истиқлол” барои ҳамкорияш ба Олег Ширинбеков изҳори сипос карда, ба ӯ дар фаъолияти минбаъда муваффақият хостааст. Ёдрас мешавем, ки Олег Ширинбеков, собиқ ҳимоятгари дастаи пуровозаи “Помир”, моҳи июли соли 2013 сармураббии нави дастаи “Истиқлол”-и Душанбе таъйин шуд. Ӯ соли 1963 дар ноҳияи Шаҳринав таваллуд шуда, Устоди варзиши собиқ ИҶШС (1987) мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






