Фаъолияти нақлиёти боркаш дар соли 2013

Душанбе, 27 январ. (АМИТ «Ховар», Фарзона Достонзода).- Соли 2013 тавассути ҳамаи намуди нақлиёт 72 миллиону 608 ҳазор тонна бор кашонида шуд, ки нисбат ба соли 2012 баробари 0,9 баробар зиёд аст. Мувофиқи маълумоти Агентии омори назди Президенти ҶТ, ҳаҷми борҳои истифодаи умумӣ дар маҷмӯи борҳои ҷумҳурӣ 13 миллиону 904 ҳазору 500 тоннаро ташкил дод. Вазни қиёсии боркашонӣ тавассути нақлиёти автомобилӣ дар ҳаҷми умумии интиқоли он баробари 90,7 фоиз буд. Тавассути ҳамаи намуди нақлиёт ба 561 миллион нафар хидмат расонида шуд, ки назар ба соли 2012 баробари 9,4 фоиз зиёд аст. Соли 2013 хидматрасонӣ ба мусофирон тавассути ҳамаи намуди нақлиёт баробари 6,7 фоиз афзуд.