Фунт аз муомилот гирифта мешавад?

 
Душанбе, 28 январ. (АМИТ «Ховар», Лайло Қосимова).-  Бонки Англия эълон намуд, ки аз 30 апрели соли 2014 пули коғазии 50 фунти намунаи куҳнаро, ки дар он акси Ҷон Хаублон тасвир ёфтааст, аз муомилот мебарорад. Пулҳои номбурда то рӯзи нишондодашуда дар муомилот озод гардиш мекунанд. Дар давоми якчанд моҳи баъд аз муомилот баровардани онҳо бонкҳо ва ҷамъиятҳои сохтмонӣ ин пулҳоро ба сифати амонат дар суратҳисоби мизоҷон қабул хоҳанд кард.   
     Аз хадамоти матбуоти Бонки миллии Тоҷикистон  иттилоъ доданд, ки ҳамчунин ташкилотҳои молиявӣ, аз қабили Barclays, RBS, NatWest ва Ulster Bank and the Post Office эълон карданд, ки пулҳои коғазии 50 фунтаи номбурдаро дар ҳаҷми то 200 фунт дар шуъбаҳои худ дар кишварҳои дигар то 30 апрели соли 2014 иваз менамоянд. 
     Бонки Англия ҳамеша пулҳои коғазии куҳнаи худро иваз хоҳад кард. 
     Пулҳои коғазии 50 фунтаи нав бо акси Ҷеймс Уатт ва Метю Болтон, ки соли 2011 ба муомилот бароварда шудаанд, дар муомилот мемонанд ва метавонанд ба таври озод истифода шаванд.