Гуфтушунид идома дорад

Душанбе, 15 январ. (АМИТ «Ховар», Екатерина Пасторова).- Соли гузашта Тоҷикистон ният дошт, ки қариб 200 нафар муаллимони Русияро ба кишвар даъват кунад, вале ин масъала то ҳол ҳал нашудааст. Мувофиқи суханони муовини Вазорати маорифи ҶТ Тоҷинисо Маҳмадова, муаллимони Русия баъди фароҳам овардани шароити мусоиди фаъолияташон ба Тоҷикистон меоянд.«Гуфтушунид аз рӯи масъалаи ба Тоҷикистон омадани муаллимон байни вазоратҳои дахлдори Русия ва Тоҷикистон идома дорад», — гуфт Тоҷинисо Маҳмадова.Муовини вазир қайд намуд, ки Тоҷикистон муаллимони Русияро аз рӯи бисёр фанҳо даъват мекунад, вале мактабҳои кишвар аз ҳама бештар ба мутахассисони фанҳои дақиқ зарурат доранд.