Густариши ҳамкориҳо дар саноат ва технологияҳои нав

Душанбе,24 январ. (АМИТ «Ховар», Фарзона Ашӯрмадова).-Имрӯз вазири саноат ва технологияҳои нави кишвар Шавқат Бобоев бо ҳайати ҶДММ «Ширкати саноати куҳии Точикистону Хитой» таҳти роҳбарии ноиби Президенти ширкат Чан Чие Юан масъалаҳои густариши ҳамкориҳои дуҷониба дар соҳаи саноат ва технологияҳои навро баррасӣ намуданд.Тавре ки дар ин бора аз Вазорати саноат ва технологияҳои нав хабар доданд, мусоҳибон зимни мулоқот оид ба зиёд кардани ҳаҷми маҳсулоти саноатии содиршаванда, сохтмони коргоҳи металлургӣ дар шаҳраки Истиқлол (собиқ шаҳри Табошар) ва ҷалби сармоя ба Тоҷикистонро мавриди баррасӣ қарор доданд.Ҷонибҳо инчунин ба паҳлӯҳои дигари ҳамкориҳо таваҷҷуҳ зоҳир намуда, иброз доштанд, ки ҳамкориҳои дуҷониба дар бахшҳои гуногун мавриди омӯзиши тарафҳо қарор хоҳанд гирифт.