Хадамот ба мушкилоти муҳоҷирон расидагӣ мекунад

Январь 30, 2014 13:48

 
Душанбе, 30.01.2014. (АМИТ «Ховар», Лайло Қосимова).-   Аз 1 январ то 24 январи соли 2014 ба бахшҳои қабул ва маслиҳатдиҳии Хадамоти муҳоҷирати Вазорати меҳнат, муҳоҷират ва шуғли аҳолии Тоҷикистон ва сохторҳои зертобеи он 3 ҳазору 114 нафар шаҳрванд  муроҷиат намудааст. Аз ин шумора ба бахши қабул ва маслиҳатдиҳӣ ба муҳоҷирони меҳнатӣ 888 нафар, ба Раёсати назорати муҳоҷират дар нақлиёт (фурудгоҳ) 271 нафар, ба Раёсати Хадамоти муҳоҷират дар вилояти Суғд 1026 нафар, ба Раёсати Хадамоти муҳоҷират дар вилояти Хатлон 308 нафар, дар ВМКБ 48 нафар,  ба Раёсати Хадамоти муҳоҷират дар шаҳри Душанбе 281 нафар ва ба  намояндагии Хадамоти муҳоҷират дар Федератсияи Русия 285 нафар муроҷиат кардаанд. 
Тавре сардори Бахши қабул ва маслиҳатдиҳии Хадамоти муҳоҷират Дӯстмурод Умбаров иттилоъ дод, дар ҳафтаи сипаригашта, аз 20 январ то 24 январ 1302 муроҷиат қабул гардид. 
Вай афзуд, ки дар асоси муроҷиати шаҳрвандон бо мусоидати Хадамоти муҳоҷират ба се зани тоҷик иҷозати вуруд ба Федератсияи Русия дода шуд. Инҳо Гулшода Ғаюбова,  Мақсуда Раҳмонова ва  Хушнуда Хушмаҳмадова, ки  моҳи сентябри соли 2013 бо масъалаи  берун карданашон аз қаламрави Федератсияи Русия муроҷиат намуда буданд.
«Роҳбарияти Хадамот дар асоси аризаи онҳо ба роҳбарияти Хадамоти Федеролии муҳоҷирати Русия ҷиҳати мусоидат ва ҳалли ин масъала мактуб ирсол намуд, ки дар натиҷа ба ин занон иҷозати ворид шудан дода шуд», — илова намуд Д. Умбаров. 
Ёдовар мешавем, ки ҳафтаи гузашта 35 нафар шаҳрвандони Тоҷикистон  бо сабабҳои номаълум   тавассути мақомоти  дахлдори Федератсияи Русия аз ин кишвар берун шуданд. 

 

Январь 30, 2014 13:48

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд