Имзои созишнома дар бораи таҳсилоти фарогир

 
Душанбе, 30.01.2014. (АМИТ «Ховар»,  Кристина  Эрлих).- 29  январ  Ассотсиатсияи  кӯмаку   дастгирии  Ҷопон  ва  Сафорати  ин  кишвар  Созишномаи  бебозгашт  дар  бораи  ривоҷи  таҳсилоти  фарогир  барои  кӯдакони  имконияташон  маҳдудро имзо  намуданд. 
 
Дар  маросими  имзои  созишнома муовини  Вазири  маориф  ва  илми  ҶТ  Тоҷинисо  Маҳмадова  ва Сафири  Чопон  дар Ҷумҳурии  Тоҷикистон  Хироюки  Имахаши   ширкат  доштанд. 
 
Тавре  ки аз Ассотсиатсияи  кӯмаку  дастгирии  Ҷопон   ба  АМИТ «Ховар»  хабар доданд,  баъди  додани қарзи бебозгашт  барои  рущди таҳсилоти  фарогири  кӯдакони  имкониятҳояшон  маҳдуд, Ҷопон ба   татбиқи  лоиҳаи  мазкур  шурӯъ  мекунад.  Маблағи  ин  созишнома  329  ҳазор  доллари  ИМА – ро ташкил  медиҳад. 
 
Мақсад  аз  ин  лоиҳа  дастгирии  саъю  кӯшишҳои  Ҳукумати  Тоҷикистон барои рушди  таҳсилоти  фарогир  дар   ҳошияи  татбиқи «Консепсияи  миллии  таҳсилоти фарогир барои  кӯдакони  имкониятҳояшон  маҳдуд  дар  Тоҷикистон барои  солҳои  2011 – 2015»  мебошад. Дар  доираи  лоиҳа  мактабҳои  миёнаи № 28 ва  № 72 – и  шаҳри  Душанбе аз  нав  сохта  мешаванд.