Маркази нави ташхиси ВНМО дар Хоруғ
Хоруғ, 20 январ. (АМИТ «Ховар», Файз Мирасан).- Дар шаҳри Хоруғ утоқи кории Маркази пешгирӣ ва мубориза бар зидди вируси норасоии масъунияти одам (ВНМО) ба кор шуруъ кард. Маркази нав дар шафати беморхонаи қалби вилоят, воқеъ дар маҳаллаи Тирчид ҷойгир аст, ки барои ҷилавгирӣ аз афзоиши ин беморӣ дар байни аҳолӣ ва ба муолиҷаи маризон дар шаҳр сару кор дорад. Ба гуфтаи Басхотун Ҷумъаева маркази мазкур бо ташаббуси мақомоти маҳаллии ҳокимияти давлатии вилояту шаҳр ва раёсати тандурустии вилоят таъсис дода шудааст. Ҳадафи асосии таъсиси марказ, пеш аз ҳама мавриди муоина ва муолиҷаи табибон қарор додани афроди гирифтори бемории вируси норасоии масъунияти одам ё ба истилоҳ СПИД мебошад. Тибқи омори расмӣ аз соли 2003-юм инҷониб маҷмуан дар шаҳр 212 нафар бо нишонаи сирояти вируси норасоии масъунияти одам ба кайд гирифта шудааст. Мутахассисони соҳаи тиб омилҳои аслии паҳншавии ин бемории сироятиро аз ҳисоби муҳоҷирони корӣ ва нашъамандони тазриқӣ медонанд. Тибқи иттилои манобеи расмӣ аз шумораи умумии мубталоёни бемории вируси норасоии масъунияти одам 177 нафараш гирифтори бемории нашъамандӣ мебошад. Ба гуфтаи Басхотун Ҷумъаева, директори маркази номбурда тӯли 10 соли охир теъдоди 73 нафар ба иллати гирифторӣ ба ин вируси сироятӣ ҷонашонро аз даст додаанд. Басхотун Ҷумъаева гуфт, ки дар ҳоли ҳозир мутахассисони маркази мазкур гирифторони ин бемориро зери назорати худ қарор додаанд ва онҳоро сари вақт бо маводи доруворӣ ба таври ройгон таъмин месозанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






