Муҳоҷирон соҳиби қитъаи замин гаштанд

Душанбе, 24 январ. (АМИТ «Ховар», Лайло Қосимова).- «Ба ҳар як оилаи муҳоҷири экологӣ дар ҷумҳурӣ барои кӯчонидан ба маблағи 3 ҳазор сомонӣ қарзи имтиёзнок ва ба ҳар нафар аъзои оила кӯмаки яквақта расонида мешавад», — таъкид кард муовини вазири меҳнат, муҳоҷират ва шуғли аҳолии Ҷумҳурии Тоҷикистон Нурулло Маҳмадуллоев 24 январ зимни нишасти матбуотӣ.Ба қавли Нурулло Маҳмадуллоев ба ин оилаҳо инчунин барои кашонидани амволи хона мошин ройгон дода мешавад. Тибқи иттилои Вазорати меҳнат, муҳоҷират ва шуғли аҳолии Ҷумҳурии Тоҷикистон соли 2013 дар ҳудуди ҷумҳурӣ 292 оилаи муҳоҷирони экологӣ ва 731 оилаи муҳоҷирони дохилӣ дар мавзеъҳои нави зист бо қитъаи замин барои сохтмон таъмин гаштаанд, ки ин дар маҷмӯъ 106,4 фоизи нақшаи солонаро ташкил медиҳад.