Мулоқоти Сарвазир бо намояндагии БОР

Душанбе, 25 январ. (АМИТ «Ховар», Фарзона Ашӯрмадова).-Имрўз Сарвазири Ҷумҳурии Тоҷикистон Қоҳир Расулзода бо Намояндаи доимии Бонки осиёии рушд дар Тоҷикистон Си Си Ю мулоқот кард. Дар мулоқот масъалаҳои вобаста ба амалӣ намудани лоиҳаи ҳамкориҳои дуҷониба барои соли ҷорӣ ва тарҳрезии нақшаи ҳамкориҳо барои солҳои минбаъда баррасӣ шуд.Қоҳир Расулзода изҳор дошт, ки ҷониби Тоҷикистон ба ҷараёни татбиқи лоиҳаҳои сармоягузорӣ, ки аз ҷониби Бонки осиёии рушд амалӣ мегарданд, таваҷҷуҳи хосса зоҳир менамояд.Тавре ки таъкид гардид, ҳамкориҳои Тоҷикистон бо бонки мазкур мақсаднок ба роҳ монда шуда, бонк дар татбиқи лоиҳаҳои кам кардани талафоти нерўи барқ, таъмини аҳолӣ бо оби нўшокӣ ва дастгирии бахши хусусии Тоҷикистон саҳм мегузорад.Ҷонибҳо барои идомаи ҳамкориҳои самарабахш ва иштирок дар татбиқи лоиҳаҳои бузурги минтақавӣ, аз ҷумла сохтмони роҳи оҳани Тоҷикистон-Афғонистон-Туркманистон мароқи калон зоҳир намуданд.Си Си Ю изҳор дошт, ки Бонки осиёии рушд дар гузаронидани асосноккунии техникию иқтисодии роҳи мазкур дар соли равон ба кишварҳои иштирокдори лоиҳа кумак расонида, барои иштирок дар татбиқи лоиҳаи сармоягузории он ҳавасмандӣ зоҳир менамояд.Ҷонибҳо ҳамзамон барои идомаи ҳамкориҳои дуҷониба дар самти раҳоии Тоҷикистон аз бунбасти коммуникатсионӣ, баланд бардоштани имкониятҳои тиҷоратии мамлакат, саҳмгузорӣ дар таъмини амнияти озуқаворӣ ва дастгирии соҳаи илму маориф табодули афкор намуданд.