Муроҷиати мардум ба марказҳои шуғли аҳолӣ

Душанбе, 27 январ. (АМИТ «Ховар»).- Соли 2013 Хадамоти давлатии назорати бахши меҳнат ва шуғли аҳолӣ беш аз 3 ҳазор корхонаю муассисаҳои давлатию шахсӣ ва ниҳодҳои хоҷагидориро тафтиш намуда, беш аз 117 ҳазор ҳодисаҳои қонуншиканиро ошкор кард. Тавре ки муовини Вазири меҳнат, муҳоҷират ва шуғли аҳолии ҶТ Нурулло Маҳмадуллоев дар нишасти матбуотӣ хабар дод, ба 673 нафар корфармоён барои қонуншиканиашон дар бахши меҳнат ба маблағи 594 ҳазору 900 сомонӣ ҷарима баста шуд. Мувофиқи суханони Нурулло Маҳмадуллоев, соли гузашта 119 ҳазору 189 нафар ба марказҳои шуғли аҳолӣ муроҷиат намуда, 71 ҳазору 168 нафарашон ба ҳайси бекорон ба қайд гирифта шуданд.