Мусобиқаи футболи «Тоҷикистон – 2014» муайян гардид

Душанбе, 23 январ. (АМИТ «Ховар», Ситора Раҷабова).- Мусобиқаи қаҳрамонии футболи «Тоҷикистон – 2014» 5-уми апрели соли равон оғоз меёбад.Дар ин бора зимни ҷаласаи Лигаи миллии футболи кишвар, ки бо иштироки роҳбарону сармураббиёни дастаҳои лигаи олӣ баргузор шуд, хабар дода шуд. Ба иттилои Федератсияи футболи Тоҷикистон дар ҷаласаи мазкур тасмим гирифта шуд, ки клубҳои футбол маблағи дархост барои ширкат дар чемпионатро то 3-юми марти соли равон ба хазинаи федератсия пардохт намоянд. Гуфта мешавад, ки дар мусобиқаи имсола иштироки 10 даста дар назар аст.