Нақшаҳои умумии шаҳру ноҳияҳои ҷумҳурӣ

Душанбе, 23 январ. (АМИТ «Ховар», Кристина Эрлих).- «То имрӯз Кумитаи меъморӣ ва сохтмон нақшаҳои умумии 36 шаҳру ноҳияи ҷумҳуриро таҳия намуда, корҳо барои танзими нақшаҳои умумии шаҳрҳои Панҷакент, Қайроққум, ноҳияҳои Бохтар, Ҷомӣ, Восеъ ва Ғончӣ идома доранд. Нақшаҳои умумии 9 шаҳру ноҳияҳои ҷумҳурӣ аз қабили Румӣ, Дарвоз, Вахш, Спитамен, Истиқлол, Темурмалик, Мӯъминобод, Ванҷ ва шаҳраки Исоеви ноҳияи Румӣ тарҳрезӣ шудаанд», — гуфт раиси Кумитаи меъморӣ ва сохтмони назди Ҳукумати Ҷумҳурии Тоҷикистон Абдувалӣ Комилов дар нишасти матбуотӣ аз рӯи натиҷаи фаъолият дар соли 2013. Абдувалӣ Комилов зикр намуд, ки мувофиқи дурнамои чорабиниҳои кумита бояд нақшаҳои умумии 65 шаҳру ноҳияҳои ҷумҳурӣ таҳия шаванд.