Намояндагии ширкати «Возрождение» дар Тоҷикистон

Душанбе, 24 январ. (АМИТ “Ховар”, Фарзона Ашӯрмадова).-Имрӯз вазири саноат ва технологияҳои нави кишвар Шавкат Бобоев бо намояндагони ширкати сохтмонии ҶДММ “Возрождение” мулоқот намуд.Тавре ки дар ин бора аз Вазорати саноат ва технологияҳои нав хабар доданд, зимни мулоқот ҷонибҳо муаррифии роҳбарони намояндагиҳо ва ифтитоҳи дафтари ширкати мазкур дар Тоҷикистон ва муҳокимаи он оид ба масъалаҳои ҳамкориҳои дуҷониба дар соҳаҳои масолеҳи сохтмон, истихроҷи ангиш ва воридоти техникаҳои ёрирасон дар самти саноат аз тариқи лизингро мавриди барасӣ қарор доданд.Гуфта мешавад, ки ҳайати мазкур дар доираи Комиссияи байниҳукуматии Тоҷикистону Русия ташриф овардааст.Ҷонибҳо аз натиҷаи вохӯрӣ изҳори қаноатмандӣ намуда, омодагии худро барои густариши ҳамкориҳо ва ба манфиати ҷонибҳо будани ин бахшҳо иброз доштанд.