Нашри дубораи Фарҳанги забони тоҷикӣ зарур аст?

 
Душанбе, 30. 01 2014. (АМИТ «Ховар», Ҳотам Рабиев).-Қиммати китоби дуҷилдаи Фарҳанги забони тоҷикӣ (нашри соли 1969) дар мағозаҳои китобфурӯшии шаҳри Душанбе ба ҳазор сомонӣ расидааст. Баланд шудани қиммати ин китоб  аз як ҷиҳат аз афзудани теъдоди дӯстдорони илму дониш дарак диҳад, аз ҷониби дигар хеле гаронбаҳо ва ниҳоят зарур будани онро бозгӯ мекунад.
Воқеан, Фарҳанги забони тоҷикӣ 45 сол боз китоби рӯйимизии ҳар тоҷики бедордил ва маърифатдӯст аст. Бале, аз нашри ин китоб даҳсолаҳо сипарӣ гардид. Дар ин давра таҳаввулоти зиёди забонӣ ҳам ба вукуъ омад. Ҳарчанд  соли 2008 Фарҳанги тафсирии забони тоҷикӣ нашр шуд, вале вазифаи ин китоб дигар аст. Бинобар ин, ба фарҳангнигорони пажӯҳишгоҳи забон, адабиёт, шарқшиносӣ ва мероси хаттии Академияи илмҳо зарур аст, ки Фарҳанги забони тоҷикии нашри соли 1969-ро бо таҷдиди муосир чоп намояд.