Назари Расулзода ва Шувалов перомуни равобити иқтисодии дуҷониба
Душанбе, 24 январ. (АМИТ «Ховар», Афшини Муқим).- Имрӯз дар шаҳри Душанбе ҷаласаи 12-уми Комиссияи байниҳукуматии Тоҷикистону Федератсияи Русия оид ба ҳамкориҳои иқтисодӣ ва тиҷоратӣ ба кори худ оғоз намуд. Ҳайати Тоҷикистонро дар ҷаласаи комиссия Сарвазири мамлакат Қоҳир Расулзода ва ҳайати Русияро ноиби Раиси Ҳукумати Федератсияи Русия Игор Шувалов роҳбарӣ мекунад. Дар оғози ҷаласа Сарвазири Ҷумҳурии Тоҷикистон Қоҳир Расулзода ҳайати Тоҷикистонро муаррифӣ намуд. Қоҳир Расулзода ба сатҳи кунунии равобити иқтисодиву тиҷоратӣ миёни Тоҷикистону Русия баҳои баланд дода, изҳор дошт, ки он минбаъд низ ба нафъи ду кишвар рушду таҳким хоҳад ёфт. Игор Шувалов дар навбати худ аз сафари расмии Президенти Федератсияи Русия Владимир Путин ба Тоҷикистон (5-декабри 2012) ёдовар шуда, онро василаи идомаи таҳкими босуботи равобит миёни ду кишвар хонд. Шувалов изҳори итминон намуд, ки дар натиҷаи татбиқи мукаммали созишномаҳое, ки зимни ин сафар ба тасвиб расидаанд, ҳамкориҳои гуногунҷанба миёни ду кишвар беш аз пеш равнақ хоҳанд ёфт. Дар назар аст, ки дар идомаи ҷаласа маҷмӯи масоили ҳамкориҳои иқтисодиву тиҷоратӣ мавриди муҳокимаи ҷонибҳо сурат гирад. Гуфта мешавад, пас аз зуҳри имрӯз роҳбарони ҳайатҳои ду кишвар аз натиҷаҳои кори ҷаласаи Комиссияи байниҳукуматии Тоҷикистону Федератсияи Русия оид ба ҳамкориҳои иқтисодӣ ва тиҷоратӣ дар ҳузури намояндагони васоити ахбори омма изҳорот хоҳанд дод.
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
